მობილურის შეკეთების სერვისი თბილისში — ორენოვანი საიტი (ქართ./ინგ.), ცალკე გვერდი თითოეულ სერვისზე, დარეკვა და WhatsApp ერთი შეხებით.
სერვისი
საიტის რედიზაინი — ახალი დიზაინი არსებულ საიტს
საიტი გაქვს, მაგრამ მოძველდა: მობილურზე იშლება, ნელია ან ბიზნესს აღარ შეესაბამება? ვაკეთებთ საიტის განახლებას — ახალ დიზაინს, სისწრაფეს და მობილურ ვერსიას — ისე, რომ ძველი ბმულები არ დაიკარგოს.
ინდივიდუალური ფასი
01 რედიზაინი
როდის ღირს რედიზაინი
- შინაარსი და სტრუქტურა ძირითადად სწორია — იერსახე მოძველდა
- მობილურზე საიტი იშლება ან ძნელად იკითხება
- საიტი ნელა იტვირთება
- გინდა, რომ ძველი ბმულები და მისამართები შენარჩუნდეს
02 ახალი საიტი
როდის ჯობია ახლის აწყობა
- პლატფორმა მიტოვებულია ან აღარ ახლდება
- სტრუქტურა ბიზნესს აღარ შეესაბამება
- გადაკეთება ახალ საიტზე ძვირი ჯდება
ასეთ შემთხვევაში ახალი საიტი ხშირად უფრო მარტივი და იაფია: საიტის დამზადება — ერთგვერდიანი ₾300, ბიზნეს საიტი ₾650.
03 რა შედის
რას მოიცავს რედიზაინი
ზუსტი მოცულობა არსებული საიტის ნახვის შემდეგ, წერილობით თანხმდება.
- ახალი დიზაინი არსებული შინაარსისთვის
- მობილურზე მორგებული ვერსია
- სისწრაფის გაუმჯობესება: სურათები, მძიმე ეფექტები, ზედმეტი სკრიპტები
- ძველი მისამართების შენარჩუნება ან 301-გადამისამართებები, რომ ბმულები არ გაწყდეს
- ქართული ტიპოგრაფიის გამართვა
- შესწორების რაუნდები — რაოდენობა შეთავაზებაში იწერება
04 ვებ დიზაინი
ოთხი პრინციპი, რომლითაც დიზაინს ვქმნით
დიზაინი შედეგისთვის
ყველა გვერდს ერთი კითხვით ვაფასებთ: აადვილებს თუ არა ის ვიზიტორის შემდეგ ნაბიჯს — ზარს, შეტყობინებას, შეკვეთას.
ჯერ მობილური
ვიზიტორების დიდი ნაწილი საიტს ტელეფონიდან ხსნის. ამიტომ დიზაინი ტელეფონის ეკრანიდან იწყება: მსხვილი ღილაკები, იკითხებადი ტექსტი, სწრაფი ჩატვირთვა.
ქართული ტიპოგრაფია
ბევრი შრიფტი ქართულ ასოებს ამახინჯებს. ვირჩევთ შრიფტებს, რომლებშიც მხედრული ისეთივე გამართული ჩანს, როგორც ლათინური — სათაურებში, ღილაკებზე, ყველგან.
სისწრაფე დიზაინის ნაწილია
ნელი საიტი ცუდი დიზაინია, რაც უნდა კარგად გამოიყურებოდეს. ვზღუდავთ მძიმე ეფექტებს და ვაოპტიმიზებთ სურათებს.
05 მაგალითები
ნამუშევრები
რამდენიმე მოქმედი პროექტი — შედეგს ცოცხლად ნახავ.
06 კითხვები
ხშირი კითხვები
რა ღირს საიტის რედიზაინი?
ფასი დამოკიდებულია გვერდების რაოდენობაზე, პლატფორმაზე და იმაზე, რისი შენარჩუნება ღირს — ამიტომ ჯერ არსებულ საიტს ვნახულობთ და წერილობით შეთავაზებას გიგზავნით. თუ ახალი საიტი უფრო მარტივი გამოდის: ერთგვერდიანი — ₾300, ბიზნეს საიტი — ₾650 (ვრცლად).
რედიზაინის შემდეგ Google-ში ხილვადობა დაიკარგება?
მიზანია, არ დაიკარგოს: ვინარჩუნებთ არსებულ მისამართებს ან ვაკეთებთ 301-გადამისამართებებს, რომ ძველი ბმულები არ გაწყდეს. Google-ში კონკრეტული პოზიციის გარანტიას კი ვერავინ მოგცემს.
მხოლოდ დიზაინის შეკვეთა შეიძლება, აწყობის გარეშე?
როგორც წესი, დიზაინსაც და აწყობასაც ერთად ვაკეთებთ — ასე საბოლოო საიტი ზუსტად ისეთია, როგორიც დამტკიცდა. გამონაკლისებზე მოგვწერე — განვიხილავთ.
ახალ დიზაინს დამტკიცებამდე ვნახავ?
კი. ჯერ მთავარი გვერდის ახალ ვერსიას ხედავ და შენიშვნებს გვიზიარებ; შესწორების რაუნდების რაოდენობა შეთავაზებაში იწერება.
ლოგოს განახლებაც შეგიძლიათ?
დიახ — ლოგოს დიზაინი ცალკე დამატებაა: ₾250-დან (ვრცლად).
გამოგვიგზავნე შენი საიტის ბმული
ვნახავთ, რისი შენარჩუნება ღირს და რა უნდა შეიცვალოს, და გეტყვით: რედიზაინი ჯობია თუ ახალი საიტი — და რა დაჯდება.