კონფიდენციალურობის პოლიტიკა

ეს პოლიტიკა აღწერს, როგორ ამუშავებს Zen Minds („ჩვენ“) პერსონალურ მონაცემებს საიტზე zenminds.ge — საქართველოს „პერსონალურ მონაცემთა დაცვის შესახებ“ კანონის შესაბამისად.

ბოლო განახლება: 2026-10-01

1. ვინ ვართ

მონაცემების დამმუშავებელია Zen Minds. საკონტაქტო არხები მონაცემებთან დაკავშირებული ნებისმიერი კითხვისთვის: zen@zenminds.ge, ტელეფონი +995 544 22 22 36.

2. რა მონაცემებს ვაგროვებთ

საკონტაქტო ფორმით გამოგზავნილი: სახელი, ბიზნესის სახელი, ტელეფონი ან ელფოსტა, არსებული საიტის ბმული, სასურველი ენა, არჩეული სერვისი და შეტყობინების ტექსტი.
დომენის შემოწმების ხელსაწყო: შეყვანილი დომენის სახელები შემოწმებისთვის იგზავნება შესაბამის რეესტრში (nic.ge, Verisign, Public Interest Registry), შედეგი კი სერვერზე 10 წუთით ინახება. ლიმიტისთვის IP-მისამართი ინახება მხოლოდ ჰეშირებული სახით, 1 საათით.
პირდაპირი კომუნიკაციისას: რასაც თავად გვიგზავნი ტელეფონით, WhatsApp-ით ან ელფოსტით.
ტექნიკური ჩანაწერები: ჰოსტინგ-პროვაიდერის სერვერი სტანდარტულად ინახავს წვდომის ლოგებს (IP-მისამართი, დრო, მოთხოვნილი გვერდი) — უსაფრთხოებისა და გამართული მუშაობის მიზნით.
ანალიტიკა: Google Analytics 4 — მხოლოდ შენი თანხმობის შემთხვევაში (იხ. §6). თანხმობის გარეშე ანალიტიკა არ იტვირთება.

3. რა მიზნით ვიყენებთ

შენს მოთხოვნაზე პასუხის გასაცემად და მომსახურების გასაწევად (თანხმობა / ხელშეკრულების მომზადება);
საიტის უსაფრთხო და გამართული მუშაობისთვის (ლეგიტიმური ინტერესი);
საიტის გაუმჯობესებისთვის — ვიზიტებისა და მოთხოვნების აგრეგირებული სტატისტიკით (Google Analytics 4) — მხოლოდ თანხმობით.

მონაცემებს არ ვყიდით და მარკეტინგული სიებისთვის არ გადავცემთ.

4. ვის შეიძლება გადაეცეს

ჰოსტინგ-პროვაიდერს — საიტისა და ელფოსტის ტექნიკური მუშაობისთვის;
Google-ს (Google Analytics 4) — მხოლოდ იმ შემთხვევაში, თუ ანალიტიკას დათანხმდი;
დომენის რეესტრებს — მხოლოდ დომენის შემოწმების ხელსაწყოში შეყვანილ დომენის სახელებს;
სახელმწიფო ორგანოებს — მხოლოდ კანონით გათვალისწინებულ შემთხვევებში.

5. რამდენ ხანს ვინახავთ

საკონტაქტო მიმოწერას ვინახავთ იმდენ ხანს, რამდენიც საჭიროა შენს მოთხოვნაზე სამუშაოდ და შესაძლო თანამშრომლობისთვის — არაუმეტეს 2 წლისა ბოლო კომუნიკაციიდან, თუ კანონი სხვას არ მოითხოვს. შეგიძლია ნებისმიერ დროს მოითხოვო წაშლა.

6. ქუქიები და ანალიტიკა

საიტი იყენებს Google Analytics 4-ს, რათა გავზომოთ ვიზიტები და მოთხოვნები — მაგალითად, რამდენი ფორმა გაიგზავნა ან რამდენჯერ დააჭირეს ტელეფონის, WhatsApp-ის ან ელფოსტის ბმულს — მაგრამ მხოლოდ შენი თანხმობით. პირველი ვიზიტისას გეკითხებით ცალსახა „თანხმობა“/„უარი“ ღილაკებით; სანამ „თანხმობას“ არ დააჭერ, Google Analytics არ იტვირთება და მონაცემები არ იგზავნება. უარი არაფერს ზღუდავს. არჩევანი ინახება შენს ბრაუზერში და მისი შეცვლა ნებისმიერ დროს შეგიძლია ქვედა მენიუს „ქუქიების პარამეტრებიდან“. ანალიტიკაში არ ვაგზავნით სახელს, ტელეფონის ნომერს, ელფოსტას ან შეტყობინების ტექსტს.

7. შენი უფლებები

საქართველოს კანონმდებლობის შესაბამისად გაქვს უფლება:

მოითხოვო ინფორმაცია, ვამუშავებთ თუ არა შენს მონაცემებს და რომელს;
მოითხოვო მონაცემების გასწორება, განახლება ან წაშლა;
მოითხოვო დამუშავების შეზღუდვა ან შეწყვეტა;
გამოითხოვო თანხმობა ნებისმიერ დროს;
საჩივრით მიმართო პერსონალურ მონაცემთა დაცვის სამსახურს (personaldata.ge).

მოთხოვნისთვის მოგვწერე: zen@zenminds.ge. ვუპასუხებთ კანონით დადგენილ ვადაში.

8. უსაფრთხოება

საიტი მუშაობს HTTPS-შიფრით; ფორმებით მიღებულ მონაცემებზე წვდომა შეზღუდულია. სრული, აბსოლუტური უსაფრთხოების გარანტია ინტერნეტში არ არსებობს, მაგრამ გონივრულ ტექნიკურ და ორგანიზაციულ ზომებს ვიღებთ.

9. ცვლილებები

პოლიტიკის განახლებისას ამ გვერდზე შეიცვლება ტექსტი და „ბოლო განახლების“ თარიღი. არსებითი ცვლილების შემთხვევაში ამას თვალსაჩინოდ აღვნიშნავთ.